Италија Екипата на Милан потврди дека е комплетиран трансферот на дефанзивецот на Џенова, Сократис Папастатопулос

Медиумите од Италија уште минатата недела најавија дека Милан е пред ангажман на дефанзивецот на Џенова, Сократис Папастатопулос.

Во прв момент се говореше дека двата клуба преговараат за позајмица со опција за перманентен трансфер по потоа извештаите велеа дека Росоњерите сакаат уште сега во целост да го откупат договорот на играчот.

Во четвртокот Адриано Галијани ги потврди шпекулациите на медиумите и претседателот на Милан призна дека се во преговори со Џенова.

Во текот на викендот двете страни ги испеглаа разликите по што денес Росоњерите офицјално го потврдија ангажманот на Папастатопулс.

Росоњерите на својата официјална веб страна објавија дека во целост ги откупиле правата на 22 годишниот дефанзивец на Џенова додека пак 19 годишниотнапаѓач Џанмарко Зигони, 20 годишниот напаѓач Намди Одуамади и 20 годишниот играч од средниот ред Родни Страсер ќе се преселат во Џенова на ко-сопственост.
“Екипата на Милан сака да соопшти дека го купи дефанзивецот на Џенова, Сократис Папастатопулос и во исто време ги продаде Наамди Одуамади, Родни Старасер и Џанмарко Зигони на ко-сопственост на истиот клуб.” – гласеше соопштението на официјалната веб страна на Милан.

Powered by: 24 FUDBAL.com.mk