Англија | Фудбалската асоцијација на Англија попладнево соопшти дека Жозе Мурињо куртулил од казна за пцовките упатени кон камерата по крајот на дуелот со Њукасл, немало доволно докази...

„Специјалниот“ се најде на тапет кај ФА откако по драматичната победа и големиот пресврт против Њукасл кога „Ѓаволите“ во вториот дел се вратија од два гола негатива и славеа со 3-2, на патот кон соблекувалните дофрли нешто на камерата која го пратеше.

Беа ангажирани лица кои читаат од усни и тие наводно протолкуваа дека Жозе Мурињо на португалски рекол „fodas filhos de puta“ или во превод „еб*те се ку*вини синови“.

ФА потоа покрена постапка и го обвини тренерот на Манчестер јунајтед дека користел зборови кои биле навредливи и несоодветни и на Португалецот му претеше суспензија.

Сепак, независна регулаторна комисија денеска го разгледа целиот случај и пресуди дека нема доволно докази. Се очекува следната недела во детали да биде образложена ваквата одлука, на која може да се достави жалба.

Извор: 24FUDBAL.com.mk