Германија Напаѓачот на Хоризонт Турново, Драган Георгиев следната сезона ќе настапува во редовите на Мајнц како позајмен фудбалер

19 годишниот Драган Георгиев уште по крајот на минатата сезона замина на проба во екипата на Мајнц и Бундеслигашот е импресиониран од она што го покажал македонскиот интернационалец па реши да го задржи напаѓачот на едногодишна позајмица.

Мајнц исто така потврди дека во договорот на Герогиев има клаузула според која тие ќе можат да го направат престојот на играчот перманентен следното лето.

“Екипата на Мајнц го ангажираше Македонецот, Драган Георгиев. 19 годишниот напаѓач во следната сезона ќе настапува како позајмен фудбалер од редовите на ФК Турново.” – гласеше соопштението на официјалната веб страна.

“Мајнц исто така има опција да го направи трансферот перманентен следното лето.”

За ангажманот на Георгиев, спортскиот директор на клубот, Кристиан Хајдел рече: “Драган не импресионираше со неговото разбирања за играта, неговата брзина и неговата техника за шутирање.”

“Ние сме убедени дека тој има квалитет да се бори за место во сениорскиот тим.”

“Во тренинг кампот ќе одлучиме колку брзо тој ќе може да се докаже во Бундеслигата.”

“Доколку оцениме дека тоа е малку прерано за него, можно е да го испратиме на кратка позајмица во некој тим од 2та Бундеслига.”

Горгиев, кој во дресот на Турново постигна 13 погодоци на 48 натпревари, Мајнц ќе му прави дружшто на нашиот искусен репрезентативец Николче Новески

Powered by: 24 FUDBAL.com.mk