Англија Екипата на Ливерпул потрди дека постигнала договор со Џо Кол за ангажман на англискиот интернациналец

Талентираниот играч од средниот ред на почетокот од овој месец стана слободен агент откако неговиот договор со Челзи истече а ’Сините’ не успеаа да го продолжат седумгодишниот престој на Џо Кол на Стемфорд Бриџ.

Медиумите од Англија уште вчера најавија дека Ливерпул е фаворит за потписот на Џо Кол откако ’Црвените’ му понудиле неделна плата од 90 000 фунти.

Тотенхем исто така беше еден од заинтересираните клубови и му нудеше на Џо Кол настап во Лигата на Шампионите но сепак Ливерпул успеа прв да пристигне до потписот на игачот.

’Црвените’ на својата официјална веб страна открија дека тие имаат постигнато согласнсот со Џо Кол за четиригодишен договор и очекуваат во следните два дена играчот да ги помине редовните лекарски прегледи.
“Ливерпул е задоволен што може да го потврди ангажманот на Џо Кол кој се сложи на четиригодишен договор.” – гласеше соопштението на Ливерпул.

“Англискиот интернационалец постигна согласност за личните услови со ’Црвните’ и ќе ги помине лекарските прегледи во следните 48 часа.”

Џо Кол е второто засилување за Ливерпул откако претходно на Енфилд пристигна и српскиот интернационалец, Милан Јовановиќ кој исто така беше слободен агент откако му истече договорот со Стандарад.

Powered by: 24 FUDBAL.com.mk