Македонија | Дебаклот од Ерменија во Лигата на нации не го чинеше многу нашиот најсилен фудбалски состав кој остана на својата позиција во најновото рангирање на ФИФА листата...

По трите победи во низа, избраниците на Ангеловски во четвртото коло од групата „4“ од Лигата „Д“ од Лигата на нации загуби убедливо со 4-0 на гостувањето кај Ерменија, нашиот најголем тест во ова натпреварување.

Иако се чинеше дека ќе има поместување во негативна конотација за нашата репрезентација, сепак, таа остана на 68-то место на ФИФА ранг листата, во најновото рангирање на истата. Сепак, на 68-то место нашата селекција е на делба заедно со Зеленортските острови.

Голем напредок од нашата група бележи Гибралтар кој реализираше две историски победи по ред во период од само три денови, и тоа против Ерменија и Лихтенштајн, за сега да бележат скок од осум позиции и да се најдат на 190-то место.

Идниот месец Македонија гостува кај Лихтенштајн во обид да стигне до победа со која ќе се задржи на првото место во својата група од Лигата на нации.

Извор: 24FUDBAL.com.mk