Македонија | Медиумите од Италија пренесуваат дека три клуба од Серија А пројавуваат интерес за Александар Трајковски, Македонецот е следен од Каљари, Киево и СПАЛ...

Во минатото често се шпекулираше за трансфер на Илија Несторовски во Серија А, но сега и вториот Македонец од Палермо е на мета на тимовите од елитата.

Како што пренесуваат медиумите од Италија, три клуба го следат Александар Трајковси. Каљари, Кеиво и СПАЛ пројавуваат интерес за офанзивниот фудбалер.

Репрезентативецот на „црвено-жолтите“ оваа сезона ја доби 10-та и игра во одлична форма, со три погодока и исто толку асистенции е еден од најдобрите поединци на „Ренцо Барбера“, па Палермо нема лесно да се откаже од него.

Сепак, доколку пристигне сериозна понуда, „Сицилијанците“ ќе ја разгледаат. Мурицио Ѕампарини во 2015 за неговите услуги плати 1 милион евра, а сега тој вреди најмалку три пати повеќе.

Извор: 24FUDBAL.com.mk