Англија Арсен Венгер очекува трансфер шпекулациите кои го опкружуваат Цеск Фабрегас да престанат откако преговорите помеѓу двата клуба се блокирани
Барселона се обидуваше да изврши притисок врз Топџиите за продажба на Цеск Фабрегас ова лето и веќе испратија една понуда која веднаш беше одбиена од клубот од Премиер Лигата.
Фабрегас претходно сугерираше дека посакува да се врати на Камп Ноу, но Арсенал цврсто стои на ставот да не му дозволи на играчот да замине.
Новиот претседател на Барса, Сандро Росел неодамна призна пораз во обидите оваа година да го ангажира шпанскиот интернационалец и Венгер се надева дека сите шпекулации сега конечно ќе престанат.
За Sky Sports News Венгер рече: “Премногу се говореше за оваа работа.”
“Јас секогаш велев дека ние навистина, навистина сакаме тој да остане бидејќи е важен фудбалер за нас.”
“Тој е нашиот капитен, сакаме да го задржиме и затоа не сакавме да ги разгледуваме понудите.”
“Не е проблем во парите, едноставно имаме желба да го задржиме во клубот.”
“Преговорите се прекинати. Ние всушност никогаш не ни сакавме тие да почнат.”
“Ние ја покажавме нашата љубов кон Цеск уште од самиот старт.”
“Верувам дека Цеск го сака овој клуб, ја покажа приврзаноста кон клубот многу пати и убеден сум дека целата сторија ќе заврши тука.”
“Сакаме Цеск да биде дел од нашиот клуб и следната сезона, и тоа е тоа.”
Венгер потоа додаде: “Разговарав со него, секако, но никогаш нема јавно да откријам за што дискутиравме.”
“Имаше многу непотребно говорење што не му помагаше на Арсенал и затоа мислев дека нема потреба да додаваме нешто на тоа.”
“Знам што е важно за нас. Арсенал е голем клуб и важно е сите да бидат фокусирани кон носење успех следната сезона.”
Powered by: 24 FUDBAL.com.mk
