Македонија | Нема време за радост по победата против Лихтенштајн, македонските фудбалери утринава летнаа за Ереван каде во вторник играат против Ерменија...

Македонија има три победи во првите три кола од Лигата на нации, фалат уште четири бода за заверка на првото место, со оглед на квалитетот на противниците и формата на нашата репрезентација тоа треба да биде формалност, но треба да се одработи на терен.

Репрезентативците вчера одиграа одличен меч, го победија Лихтенштајн со 4-1 во допадлива, офанзивна игра, а веќе утринава летнаа за Ереван.

За денеска во 18 часот е предвиден полесен тренинг, утре во истиот термин е официјалниот тренинг и прес конференцијата. Натпреварот се игра во вторник на 16 октомври со почеток во 18 часот.

Извор: 24FUDBAL.com.mk