Италија | Дефанзивецот на Аѕурите на пресконференција пред неделното гостување кај Полска го истакна своето разочарување поради, како што тој самиот вели, тоа што во италијанскиот фудбал ништо не се променило од шокот во баражот од квалификациите за Мундијалот па досега...

Леонардо Бонучи тврди дека ‘ништо не се промени’ откако Италија не успеа да избори место на Светското првенство изминатото лето во Русија, по тој шок за фудбалска Италија, Роберто Манчини го замени Џампаоло Вентура како селектор на Аѕурите.

„Сакам да победувам, но поразите ги чувствувам како кисело грозје, се почувствував убаво со враќањето во Јувентус, но, потребно е нешто ново тука“ изјави Бонучи во пресрет на дуелот со Полска во рамките на Лигата на нации.

„Можам само да му се заблагодарам на Вентура, за сето тоа што го стори за мене, тоа што се случи беше голем срам, но сите ние го делиме тој срам, не само тој, туку и ние фудбалерите ја имаме таа вина“ додаде тој.

„Италијанскиот фудбал е во криза? Веќе кажав пред извесен период, помина една година, а ништо не се промени од тогаш па наваму, можеби работите тргнаа на уште полошо“ заклучи дефанзивецот.

Извор: 24FUDBAL.com.mk