Лига на Шампиони | Голем скандал ја потресе фудбалска Европа по информациите кои ги објави француски „Л'Eкип“ за нерегуларни активности пред мечот помеѓу ПСЖ и Црвена звезда, каде функционер од српскиот првак сакал да се обложи на висока сума...

Француски „Л’Екип“ излезе со шокантни тврдења дека функционер на Црвена звезда сакал да уплати цели 5 милиони евра на облог од кого очекувал српскиот првак да загуби пет гола разлика на гостувањето кај ПСЖ во Лигата на шампионите, што и се случи (6-1).

Угледниот медиум во веста додаде дека УЕФА ги известила француските надлежни органи барајќи истрага поради сомнителни активности пред мечот во Париз, а со свои реакции по овие шпекулации се одзваа и обата клуба.

„Црвена звезда со голема доза на неверување ги отфрла пишувањата на францускиот медиум „Л’Екип“ поврзани за сомневањата во исходот од резултатот од мечот помеѓу Париз Сент Жермен – Црвена звезда, и вмешаност на било кого од ФК Црвена звезда во евентуални нечесни активности“ стои во соопштението на белградскиот клуб, од таму додаваат дека очекуваат истрагата да биде завршена во што е можно побрз рок за да се расчистат сите дилеми, а со реакции во јавноста се одзваа и од францускиот првак кои тврдат дека немало никакви други разговори со српскиот клуб освен оние кои биле поврзани за организацијата на мечот во Париз.

„Со чудење и огорченост ја примаме оваа информација, ниту во еден момент, никој од членовите на клубот немал никакви разговори освен оние стандардни поврзани за организацијата на натпреварот, состаноци по тој повод, посети и разни протоколарни работи за натпреварот. Во оваа прилика, ПСЖ потсетува на својата посветеност за основните принципи на спортот, интегритетот на натпреварувањето и одбивање на било какви активности кои би можеле да го доведат во прашање тој интегритет“ велат од таму.

Извор: 24FUDBAL.com.mk