Италија | Напаѓачот на Наполи, Аркадиуш Милик го раскажа грабежот кој му се случи по мечот против Ливерпул во Лигата на шампионите кога остана без својот часовник Ролекс...

По големата радост на теренот и триумфот од 1-0, Полјакот доживеа кошмар на патот кон дома. Две лица на мотор го запреле, му впериле пиштол во лице и му го одзеле часовникот Ролекс. Теророт траел околу триесетина секунди.

„Лицето кое го држеше пиштолот, само тропна со него на прозорецот и без да каже збор, покажа кон часовникот и побара да му го дадам. Веднаш му го дадов часовникот, кој за жал не е осигуран. Со оглед на тоа колку брзо се случи сè, не можам да дадам никаков опис за напаѓачите“ - вели Аркадиуш Милик.

Милик исто така смета дека грабежот бил добро испланиран и крадците знаеле каде да нападат.

„Мислам дека не ме следеа но сигурен сум дека ме чекаа во близина на мојот дом, знаеа дека ќе имам натпревар од Лигата на шампионите“.

Извор: 24FUDBAL.com.mk