Англија Двата клуба од Премиер Лигата се нови кандидати за ангажман на Лоик Реми но играчот е наклонет кон преселба во Мерсисајд

Напаѓачот на Ница силно се поврзува со трансфер ова лето откако неколку клубови пројавија интерес за неговите услуги.

Вест Хем веќе достави понуда од околу 15 милиони евра а и Бордо сака да го ангажира Реми но само доколку Ница ги намали барањата.

Не се исклучува и можноста Лоик Реми да се врати во Лион, клубот каде што настапуваше пред две сезони.

Но најверојатно францускиот интернационалец ќе се пресели во Премиер Лигата откако во трката за неговиот потпис се приклучија и Ливерпул и Тотенхем.

23 годишниот напаѓач е свесен за интересот на Ливерпул и Тотенхем и признава дека е наклонет кон преселба во Марсисајд.

“Тоа ќе биде избор помеѓу два клуба со голема иднина.” – рече Реми.

“Јас имам мала наклонетост кон престижен клуб како што е Ливерпул, иако и Тотенхем е многу, многу интересен.”

“Сеуште ништо не е одлучено. Без разлика каде ќе играм, јас ќе треба да работам напорно и да се борам за место во тимот.”

Powered by: 24 FUDBAL.com.mk