Италија Удинезе ја отфрла можноста да го продаде Алексис Санчез и покрај интересот на Манчестер Јунајтед и Рома.

Санчез прикажа одлична игра за репрезентацијата на Чиле на Светското првенство што предизвика интерес кај големите клубови.

21-годишниот фудбалер веќе се поврзуваше со Реал Мадрид пред почетокот на Светското првенство, а потоа дојде и интересот од Манчестер Јунајтед и Рома.

Сепак Удинезе вели дека Санчез нема да биде продаден ова лето.

"Алексис ќе се врати во Удине и ќе продолжи тука" - изјави претседателот на клубот, Џампаоло Поцо за Gazzetta dello Sport.

"Следната сезона ќе биде негова. Веројатно тој ќе игра како плејмејкер, со цел да биде поблиску до противничкиот гол".

Powered by: 24 FUDBAL.com.mk