Англија Андерлехт инсистира дека нивната ѕвезда Ромелу Лукаку ќе остане во клубот се додека не наполни 18 години.
Челзи го следи големиот талент од моментот кога тој дебитираше во тимот на Андерлехт на 16 години, Сините се лидери во трката по неговите услуги.
Неговиот татко Роџер кој е и негов агент, изјави дека во наредните 12 месеци тој нема да замине од Андерлехт се додека не го заврши образованието следната година.
Слики на Facebook потврдија дека Лукако веќе го посетил Стемфорд Бриџ ова лето.
Дидие Дрогба дури и лично му се јавил на 17-годишниот Лукако за да го увери дека Челзи е најдоброто место за неговата кариера.
Но Сините ќе мора да почекаат за негов ангажман бидејќи Андерлехт нема намера да го ослободи уште една година.
"Имаме добра релација со таткото на Ромелу, и тој размислува исто како и ние, играчот да биде со нас се додека не го заврши училиштетот" - изјави генералниот менаџер на Андерлехт Херман ван Холбич за Daily Mail.
"Тој има уште една година до тоа и тоа е причината поради која ние немаме намера да го продадеме ова лето".
"Сите страни се сложни дека тоа е најдобро за него, да продолжи во Андерлехт и следната сезона".
Лукаку има уште 18 месеци од договорот со Андерлехт, но шпекулациите велат дека Челзи веќе постигнал договор со белгискиот клуб, фудбалерот од следната сезона ќе се пресели на Стемфорд Бриџ.
Powered by: 24 FUDBAL.com.mk
