Италија Тренерот на Јувентус, Џиџи Дел Нери не мисли дека Диего и Дел Пјеро би можеле да играат заедно во првиот состав.

Диего најверојатно ќе го напушти Јувентус, новиот тренер Џиџи Дел Нери вели дека Бразилецот и Дел Пјеро не можат да играат заедно.

Во формацијата 4-4-2 која ќе ја практикува Дел Нери, предност ќе има Дел Пјеро, па останува да видиме дали тоа значи и заминување на Диего.

"Нема да има конкуренција помеѓу Диего и Дел Пјеро, но ќе биде тешко тие да играат заедно" - вели Дел Нери.

"Доколку Дел Пјеро е фит тој ќе игра и Маркисио ќе биде еден од двајцата ценрални фудбалери во средниот ред".

Дел Нерби беше запрашан и за петте напаѓачи кои се наоѓаат во клубот во моментов.

"Од овие пет напаѓачи, двајца ќе играат, тројца нема. Трезеге работи напорно. Тој ги има головите во својата крв. Тој ми остави голем впечаток и е дел од проектот на Јуве" - заврши Дел Нери.

Powered by: 24 FUDBAL.com.mk