Англија Менаџерот на Манчестер Јунајтед, Сер Алекс Феругсон објави дека дел од неговите фудбалери кои настапуваа на Светското првенство ќе го пропуштат стартот од новата сезона.
Составот на Јунајтед нема да се комплетира до 28 јули, па нема многу да поминат заедно пред првиот натпревар во Премиер лигата на 16ти август.
Црвените Ѓаволи отпатуваа во Чикаго на турнеја во Америка без фудбалерите кои настапија на Светското првенство.
"Победувањето е дел од она што треба да го правиме тука" - изјави Фегусон за Sky Sports News.
"Но главна цел е сите да добијат шанса да настапат и да се вратиме подготвени и фит за стартот на новата сезона".
"Дури ниту Комјунити Шилд не е натпревар кој мораме да го добиеме по секоја цена".
"За овој клуб тој натпревар секогаш се сваќал како последен дел од подготовките".
"Тоа е на 8ми август, па потоа има репрезентативни натпревари во текот на неделата, а потоа е нашиот прв натпревар во Премиер лигата против Њукасл".
"Но, не знаеме дали сите кои беа на Светското првенство ќе бидат подготвени за првиот натпревар. Тие ни се приклучуваат на 28ми јули, па не се знае дали сите ќе бидат подготвени за стартот на сезоната".
"Имам чувство дека нема да играат сите, но можеби еден или двајца ќе играат" - заврши Ферги.
Powered by: 24 FUDBAL.com.mk
