Англија | И покрај тоа што се големи ривали, Пеп Гвардиола застана во одбрана на Жозе Мурињо по критиките кои во изминатите денови пристигнуваат на адреса на Португалецот поради лошите резултати на Манчестер јунајтед...

Мурињо и Јунајтед лошо ја почнаа сезоната, по трумфот над Лестер, следуваа два порази, еден против Брајтон на гостински терен, и дебакл против Тотнем на Олд Трафорд.

Португалскиот стратег трипи критики во изминатиот период, а еден од оние кои застануваат во негова одбрана е Пеп Гвардиола.

„За жал тоа е нашата работа, ми се случило и мене во минатото, нашата работа зависи од резултатите. Кога победувате сте добри, кога не победувате не сте добри, едноставно така е. Квалитетот на тренерот верувам дека е кога ќе се искачи на тоа највисоко ниво, сите тие се топ, топ тренери“, изјави Пеп Гвардиола.

Извор: 24FUDBAL.com.mk