Англија Рикардо Карваљо се поврзува со преселба во Интер додека пак Челзи сака да го ангажира Бруно Алвес како замена за дефанзивецот

Нероаѕурите се обидоа минатото лето да стигнат до услугите на Карваљо но тогаш Карло Анчелоти не дозвол дефанзивецот да замине од Стемфорд Бриџ.

Сепак Нероаѕурите се чини дека сега се блиску до ангажман на португалскиот интернационалец.

И покрај тоа што неговиот поранешен ментор Жозе Мурињо си замина од Џузепе Меаца, се шпекулира дека Карваљо веќе пристигнал во Милано и е во преговори со управата на Интер.

Извештаите говореа дека и екипата на Милан сака да го ангажира искусниот дефанзивец но се чини дека Карваљо ќе заврши во сино-црната половина на Милано.

Во меѓувреме екипата на Челзи веќе бара замена и е подготвена да го ангажира Бруно Алвес.

Сините од поодамна го следат Алвес, кој пред неколку дена соопшти дека сака да замине од Порто.

28 годишниот португалски интернационалец има уште две години од својот договорот и Порто се надева ќе успее да добие околу 18 милиони евра од продажбата на дефанзивецот.

Но со оглед на тоа дека Алвес побара да биде продаден, клубот од Португалија најверојатно ќе треба да се задоволи со помала сума.

Powered by: 24 FUDBAL.com.mk