СП 2010 Репрезентативецот на Шпанија, Бускетс смета дека многу важно на финалниот натпревар е да го задржат Весли Снајдер.

Атмосферата се повеќе се вжештува пред финалниот натпревар на Светското првенство, сите со нетрпение очекуваат да видат кој ќе го освои големиот пехар.

Едно е сигурно, светот ќе добие шампион кој никогаш до сега не ја освоил титулата Светски шампион.

Серхио Бускетс е задоволен од формата која ја прикажува Шпанија во финишот од Светското првенство, тој смета дека најзначајно ќе биде да се задржи Снајдер.

"Холандија е одличен тим. Тие се многу ефективни по прекините, имаат и многу брзи фудбалери. Мислам дека Снајдер им е најопасната алка, но ние ќе дадеме се од себе да го сопреме него".

"Ќе биде тешко. Секој натпревар е потежок од претходниот и финалето ќе биде уште потешко" - вели Бускетс.

"Мислам дека двете најдобри репрезентации се во финалето. Се што треба да направиме сега е да ја покажеме нашата сила и да одиграме најдобро што можеме".

"Шпанија се врати на своето најдобро ниво, против Германија ја прикажавме нашата најдобра игра на првенството. Ја задржавме топката, го диктиравме темпото и создадовме многу шанси" - изјави Бускетс.

Powered by: 24 FUDBAL.com.mk