Англија Хари Реднап потврди дека Тотенхем сеуште го посакува Џо Кол но негираше дека тие се заинтересирани за Стивен Пиенар

Англискиот интернационалец си замина од Челзи по крајот на сезоната откако му истече договорот со тимот од Стемфорд Бриџ.

Тотенхем, Арсенал, Ливерпул и Манчестер Јунајтед се клубовите со кои се поврзува Џо Кол.

Реднап од поодамна призна дека посакува да ја обнови соработката со Џо Кол и стратегот на Тотенхем сега открива дека претседателот Даниел Леви е во преговори со играчот од средниот ред за преселба на Варт Харт Лејн.

“Ние сме заинтересирани за Џо Кол.” – рече Реднап за talk SPORT.

“Знам дека Даниел (Леви) е во разговори со агентите на Кол и ние сме заинтересирани за комплетирање на зделката.”

“Доколку претседателот успее во тоа јас со задоволство ќе го пречекам играчот во Тотенхем.”

“Но се се сведува на тоа ако можеме да го ангажираме. Не се инволвирам во финансискиот дел, тоа е работа на претседателот и агентите на Џо.”

“Се надевам дека двете страни ќе постигнат согласност бидејќи навистина сакаме тој да се пресели на Вајт Харт Лејн.”

Медиумите исто така го поврзуваат Тотенхем со ангажман на Стивен Пиенар од Евертон но Реднап инсистира дека интернационалецот од Јужна Африка нема да им се придружи.

“Ми се допаѓа Пиенар, немојте да ме сватите погрешно. Но нема ништо во целата оваа работа.”

Powered by: 24 FUDBAL.com.mk