Италија Поранешниот генерален директор на Јувентус, Лучијано Моџи не е убеден дека новите засилувања на клубот се способни да го вратат Скудетото во Торино

Старата Дама ова лето прави голема реконструкција откако имаа минатата сезона и беше една од најлошите во историјата.

На претседателското место пристигна Андреа Ањели а од Сампдорија покрај тренерот Луичи Дел Нери пристигна и трансфер гуруто, Бепе Марота.

Старата Дама до сега реализираше неколку зделки и во Торино пристигнаа Симоне Пепе, Марко Мота, Хорге Мартинез, Леонардо Бонучи и Марко Сторари.

Лучијано Моџи сепак не е задоволен од новите имиња што пристигнаа во Јуве и ги опиша како ’играчи кои не се материјал за Скудето’.

“Играчите што ги донесе Марота не ми се чинат како материјал за Скудето, што е единствената цел кон која клубот од Торино треба да се фокусира во иднина.” – рече Моџи.

“На пример Мартинез не може да му донесе на тимот значаен скок во квалитет исто како и Пепе и Сторари.“

“Бонучи е вреден за Јуве и играч пред кого претстои добра иднина, во тоа нема сомнеж.”

“Красиќ би бил добра инвестиција но не им верувам на оние кои го споредуваат со ’мојот’ Павел Недвед. Косата им е единствената сличност.”

“Како и да е, пред да се донесат нови играчи неопходно е да се продаде дел од оние чии услуги не се потребни.”

“Читав дека тие имаат 36 фудбалери – тоа е премногу.”

Powered by: 24 FUDBAL.com.mk