Италија Холандскиот интернационалец, Весли Снајдер вели дека и следната сезона планира да го носи дресот на Интер

По одличната сезона во дресот на Нероаѕурите и импресивните перфроманси во Јужна Африка, Весли Снајдер го привлече вниманието на Сер Алекс Фергусон.

Морати, кој вчера го потврди интересот на Манчестер Јунајтед, најави дека не планира да го продаде холандскиот интернационалец но медиумите од Англија најавуават дека Интер ќе биде ставен на тест со понуда вредна 35 милиони евра.

Самиот Снајдер, кој може да биде најдобар стрелец на мондијалот во Јужна Африка и е еден од кандидатите за наградата на ФИФА и France Football за Најдобар Фудбалер во Годината, вели дека ќе остане на Џузепе Меаца.

“Останувам во Интер.” – рече Снајдер за медиумите од Холандија. “Следната сезона ќе се борам за сите трофеи во дресот на Нероаѕурите.”

“Моето срце е во Милано, со Интер освои се изминатава сезона.”

“Сега сакам да ги освојам и Италијанскиот Суперкуп, Европскиот Суперкуп и Светското Клубско Првенство.“

“Овие титули се убави па останувам во Интер.”

Снајдер исто така призна дека е запознаен со ’конкретниот интерес на Манчестер Јунатед’.

Powered by: 24 FUDBAL.com.mk