Франција | ПСЖ се радува на трофејот од Суперкупот на Франција откако попладнево со 4-0 го совлада Монако во Шенжен, Анхел Ди Марија беше играч на мечот...

ПСЖ и Монако ја отворија новата сезона во Франција со Суперкупот. „Светците“ шеста година по ред се радуваат на овој трофеј откако со 4-0 триумфираа над клубот од малото кнежевство.

Анхел Ди Марија го предводеше тимот на ПСЖ составен од неколку искусни играчи и неколку млади фудбалери. Парижаните доминираа и го контролираа натпреварот, а резултатот го отвори Аргентинецот со прекрасен гол од слободен удар во 33. минута.

До крајот на првиот дел „Светците“ ја дуплираа предноста преку Нкунку, а сите дилеми беа решени во 67. минута кога Веа погоди за 3-0.

Точка на натпреварот стави Ди Марија во 92. минута, репрезентативецот на „Гаучосите“ реализираше една контра, покажа дека не е за фрлање и дека тренерот Томас Тухел може сериозно да смета на него во новата сезона.

Извор: 24FUDBAL.com.mk