Шпанија Каталонсците посакуваат да го добијат триото на Сити, Робињо, Нигел де Јонг и Пабло Забалета како дел од потенцијалниот трансфер на Златан Ибрахимович во Истлендс

Се верува дека Роберто Манчини е желен да донесе напаѓач од светска класа ова лето и Сити подолго време се поврзува со ангажман на Златан Ибрахимович, со кого Манчини соработуваше во Интер.

Барса постојано јавно нагласува дека Ибра не е на продажба но ист беше и случајот со Дмитро Чигрински, кој не беше на продажба но сепак се врати во Шахтјор, кој плати 10 милиони евра помалку за разлика од 25 милиони кои ги доби минатото лето.

Медиумите од Шпанија велат дека Ибра би можел да замине од Камп Ноу доколку пристигне примамлива понуда и последните информации говорат дека Блауграна е подготвена ’за дил’ со Манчестер Сити доколку за возврат ги добие Робињо, Нигел де Јонг и Пабло Забалета.

Барселона се обиде да го ангажира Робињо и во јануари но двата клуба не успаа да постигнат договор за позајмица на бразилскиот интернационалец на Камп Ноу.

Сега откако е се појасно е дека Тиери Анри ќе замине од Барса, управата на клубот бара играч за пополнување на левата крилна позиција и името на Робињо котира високо на листата на желби.

Барселона исто така е во потрага и на играч од средниот ред откако Јаја Туре беше продаден на Сити.

Хавиер Маскерано е една од желбите но високата цена од преку 40 милиони евра што ја постави Ливерпул најверојатно ќе ги одтргне Каталонците од аргентинскиот интернационалец.

Па холандскиот интернационалец Де Јонг ќе биде солидно замена за Јаја Туре.

Со ангажманот на Забалета, Барса ќе добие играч кој може да пополни неколку позици и играч за кого во Шпанија се има високо мислење од времето кога тој настапуваше во Еспањол.

Аргентинецот е блисок пријател со Лионел Меси и ќе може да го реши долгорочниот проблем од немање соодветна замена за Дани Алвес на десната бековска позиција.

Powered by: 24 FUDBAL.com.mk