Англија | Според пишувањата на Мирор, Жозе Мурињо во следните денови ќе добие еден од играчите кои ги побара, на Олд Трафорд треба да пристигне Тоби Алдерверелд од Тотенхем...

Белгијанецот со месеци е на врвот на листата со желби на „Специјалниот“ кога е во прашање засилување на одбраната, „Ѓаволите“ беа подготвени да платат 50 милиони фунти, но преговорите влегоа во ќор-сокак откако Тотенхем побара 75 милиони фунти.

Манчестер јунајтед потоа се поврзуваше со други имиња како Хари Мегвајер од Лестер и Јери Мина од Барселона.

Но според денешното издание на Мирор, Жозе Мурињо во следните денови сепак ќе го добие првото име кое го побарал. Весникот вели дека Тотенхем е подготвен да ги намали барањата и да го продаде Тоби Алдерверелд за 60 милиони фунти.

Лидерите на „Спарси“ се решиле на еден ваков чекор откако станало јасно дека дефанзивецот нема намера да стави потпис на нов договор. Белгијанецот во моментов ги одработува последните 12 месеци, Тотенхем има опција да му го продолжи договорот за уште една додатна година, но доколку ја активираат оваа клаузула, автоматски се активира втора клаузула според која играчот следното лето може да замине за 25 милиони фунти.

Па Даниел Леви преферира сега богато да наплати на Тоби Алдерверелд и покрај тоа што ќе мора да го продаде фудбалерот на ривал од Премиерлигата.

Извор: 24FUDBAL.com.mk