Италија | Легендата Паоло Малдини одново ќе биде дел од „црвено-црното“ семејство на Милан, во иднина ќе ја извршува функцијата директор за стратегија и развој...
Откако фондот Елиот го конфискуваше Милан од Кинезите, следеше промена во хиерархијата на клубот. Леонардо се врати и доби улога на технички директор, Бразилецот веднаш се фати за работа и ги донесе Гонзало Игуаин и Матија Калдара.
На Сан Сиро сега се враќа и Паоло Малдини, Милан попладнево соопшти дека легендата на клубот ќе биде директор за стратегија и развој.
„Немам зборови за да опишам што значи Паоло Малдини за Милан. Ми беше привилегија да го гледам како игра и освојува безброј трофеи. Чест ми е што ќе можам да работам со него. Неговите лидерски способности и искуство ќе ни бидат од огромна корсит, исто како и неговата пасија и енергија. Неговото назначување е дополнителен знак за посветеноста на Елиот да се изгради солидна основа за долгорочен успех. Тоа нема да биде лесно и ќе ни треба време, но имаме амбициозни цели и ангажманот на Поало Малдини е важен чекор кон враќање на Милан на славните патеки“ – вели претседателот на клубот, Паоло Скарони.
Извор: 24FUDBAL.com.mk
