Останато | „Црвените“ имаа импресивно издание на „Авива Стадионот“ во Даблин, Ливерпул лесно со убедливи 5-0 славеше над Наполи...

Избраниците на Јирген Клоп прикажаа импресивна партија во претпоследната контролка пред стартот на новата сезона во Премиерлигата. Ливерпул вечерва во Даблин лесно со убедливи 5-0 славеше над Наполи.

Резултатот беше отворен по само 200 секунди. Клајн одзеде една топка во близина на шеснаесетникот, Мане асистираше а Милнер неодбранливо биеше за 1-0. Ливерпул ја дуплираше предноста веќе во 9. минута. По една нафрлена топка, Вајналдум скокна највисоко и донесе 2-0.

Наполи ја стабилизираше играта и на нов гол се чекаше до 58. минута кога Салах прецизно пласираше во аголот од голот. Во 73. минута Стариџ начека една одбиена топка на врвот од шеснаесетникот и го матираше голманот на Наполи за 4-0, а конечниот резултат го постави Морено во 77. минута. Шпанецот се намести на лева и иако биеше од косо, испрати силен шут кој заврши над главата на голманот за 5-0.

Извор: 24FUDBAL.com.mk