Останато | Милан ја доби пресметката со Барселона во Санта Клара, Андре Силва со гол во 93. минута донесе триумф од 1-0 и го расипа шоуто на 18 годишниот Рики Пуиг...

„Росонерите“ излегоа како победник од дуелот со Барселона на Интернационалниот куп на шампиони. Утрово во Санта Клара, Милан триумфираше со 1-0 со голот на Андре Силва во последните секунди од мечот.

Барселона го имаше поседот на топката и го диктираше темпото, избраниците на Валверде се заканија во неколку наврати, но Донарума беше одличен на голот, а сојузник му беше и стативата.

Милан својата шанса ја чекаше преку контра-напади и при една таква ситуација во 93. минута, Андре Силва го матираше Тер Штеген за 1-0.

Португалецот со својот гол го расипа шоуто на Рики Пуиг. 18 годишниот Шпанец доби шанса на стартот од вториот дел и веднаш импресионираше со своите потези и зрелоста во играта. Големиот талент од „Ла Масиа“ имаше неколку одлични додавања а можеше и да се прослави во финишот од мечот, но биеше покрај голот. Тој го доби дресот со бројот 8, па фановите почнаа да сонуваат дека го добиле наследникот на Андрес Иниеста.

Извор: 24FUDBAL.com.mk