Останато | Реал Мадрид го совлада Јувентус на Интернационалниот куп на шампиони, со прекрасен погодок на Герет Бејл и два гола на Марко Асенсио, „Кралевите“ славеа со 3-1...

Пресметката на „Федекс Филд“ во Мериленд можеше да биде спектакл доколку Кристијано Роналдо се појавеше во дресот на Јувентус, но Португалецот доби продолжен одмор по настапот на Светското првенство и дуелот можеше да го следи само од Торино.

Но и покрај отсуството на ЦР7, двата клуба понудија возбудлива пресметка во која Реал Мадрид се радувше на победа од 3-1.

Резултатот беше отворен во 12. минута кога Карвахал во обид да расчисти една нафрлена топка си ја затресе сопствената мрежа. На пауза се замина со резултат 1-1 откако Герет Бејл постигна „голазо“ и од врвот на шеснаесетникот биеше неодбранливо под пречката.

„Кралевите“ поведоа веќе на стартот на вториот дел, Винисисус го проигра Асенсио кој рутински реализираше за 2-1. Шпанецот потоа стави точка на натпреварот во 56. минута, но овој гол оди на душа на Шчесни, кој мораше подобро да интервенира во ситуацијата.

Извор: 24FUDBAL.com.mk