Италија | Џорџо Киелини сметал дека сториите за преселба на Кристијано Роналдо во Торино се само обични шпекулации и на другарите им кажал дека е невозможно ЦР7 да пристигне во Јувентус...

Самиот Кристијано Роналдо ја стави под знак прашалник својата иднина во Реал по последниот свиреж во Киев и финалето од Лигата на шампионите кога порача: „Ми беше убаво во Мадрид“.

Изминативе години тој често се поврзуваше со ПСЖ или враќање во Манчестер јунајтед и многумина веруваа дека ова се можните дестинации доколку тој навистина реши да замине од Сантијаго Бернабеу.

Сепак, на почетокот од јули почнаа да кружат гласини за негова преселба во Јувентус и една недела подоцна пристигна информацијата за рекорден трансфер во Калчото.

„Првиот пат кога слушнав за гласините кои го поврзуваа Роналдо со Јувентус им кажав на моите другари, „Не, тоа е невозможно“. Но еден ден подоцна си реков, изгледа сепак е можно“ – открива Џорџо Киелини каква била неговата прва реакција.

„Со нашиот менаџер, со нашиот директор... зделката стана реалност. Јувентус продолжува да раста.... година по година, и ни беше потребен шампион како Кристијано“.

„Сите сме возбудени, со нетрпение чекаме да работиме со него“.

Извор: 24FUDBAL.com.m