Останато | Барса беше поуспешна од Тотенхем на Интернационалниот куп на шампиони, „Каталонците“ славеа на пенали откако „Спарси“ во финишот од мечот се вратија од два гола негатива...

Барселона ги стартуваше подготовките за новата сезона со победа, утрово во Калифорнија шампионот на Шпанија славеше над Тотенхем. „Каталонците“ имаа предност од 2-0 на полувремето, но „Спарси“ се врати во финишот од мечот, па пенал серијата го даде победникот.

Резултатот беше отворен во 15. минута, Рафиња спушти топка на втората статива каде Мунир само се поклони и ја затресе празната мрежа. Избраниците на Валверде ја дуплираа предноста во 29. минута, новајлијата Артур испука  „проектил“ од врвот на шеснаесетникот и донесе 2-0.

Тотенхем сепак не се откажа и во второто полувреме за две минути постигна два гола. Најпрво Сон намали на 2-1 во 73. минута, а потоа Н’Куду 120 секунди подоцна изедначи на 2-2.

Во пенал серијата, играчите на Барса не промашија, Силесен го одбрани ударот на младиот Георгиу, па победата им припадна на „Каталонците“.

Извор: 24FUDBAL.com.m