Англија | Жозе Мурињо не ги криеше фрустрациите по високиот пораз од 4-1 од Ливерпул, „Специјалниот“ вели дека ова не е неговиот тим и половина од играчите нема да бидат тука за стартот на сезоната...

Подготовките за новата сезона не одат според планот, Жозе Мурињо не може да смета на голем број играчи поради Светското првенство, а „Ѓаволите“ се прилично тивки и на трансфер пазарот. Единствено големо засилување е Фред, и нема никаков напредок кога се во прашање другите две желби, ангажман на нов дефанзивец и офанзивен фудбалер.

Па по тешкиот пораз од 4-1 во дуелот со Ливерпул во САД, Португалецот не ги криеше фрустрациите.

„Би сакал да добијам уште двајца, но мислам дека нема да добијам две нови имиња. Веројатно ќе добијам само едно. Уште во март на управата и дадов листа со пет имиња и би сакал да видам дали е можно да добијам еден од овие играчи. Доколку е можно, тоа е добро. Доколку не е можно, ќе продолжиме да се бориме и да работиме со играчите кои ги имам на располагање“ – вели Жозе Мурињо.

Тој исто така верува дека Манчестер јунајтед ќе биде во проблеми на стартот од Премиерлигата поради големиот број отсутни играчи по настапот на мундијалот како и неколкуте повреди.

„Поразот нема никаква врска со засилувањата. Правите засилувања се Погба, Фелаини, Линделоф, Рашфорд, Лингард, Матиќ, Валенсија. Ова не е мојот тим... Речиси половина од играчите кои го започнаа мечот нема да бидат дел од составот на 9. август. Нема да бидат тука“.

„Ова не е нашиот состав. Кога зборувата за засилувања и мислите на играчите кои би сакал да ги купам, тоа е друга работа, но ова не е мојот состав. Ова не е ниту половина од мојот состав, не е ниту 30% од мојот состав“.

Извор: 24FUDBAL.com.m