Италија | Кристијано Роналдо вечерва се врати во Торино по турнејата во Кина, ЦР7 од утре почнува со тренинзи под будното око на Алдо Долчети, човек од доверба на Макс Алегри...

По промоцијата како нов фудбалер на Јувентус, Кристијано Роналдо замина на турнеја во Кина со спонзорот Најк. Откако му завршија обврските на Далечниот Исток тој вечерва се врати во Торино.

Неговиот приватен авион слета на аеродромот Каселе околу 19:30. Надвор го чекаа 50-тина навивачи, а внатре шест автомобили Џип и еден куп обезбедување.

ЦР7 утре започнува со подготовките за новата сезона, Португалецот ќе тренира под будното око на Алдо Долчети, човек од доверба на Макс Алегри. На тренинзите ќе му се придружат и Јужноамериканците кои добија продолжен одмор по настапот на Светското првенство како Пауло Дибала, Гонзало Игуаин, Хуан Квадрадо, Родриго Бетанкур и Даглас Коста.

Извор: 24FUDBAL.com.m