Англија Лаурен Кошчиелни е ново засилување на Арсенал, официјално потврди лондонскиот клуб.

Кошчиелни од Лорен се сели во Арсенал, Топџиите официјално го потврдија новото засилување.

"Фудбалскиот клуб Арсенал е среќен што може да објави дека дефанзивецот Лорен Кошчиелни од францускиот тим Лориен потпиша долгогодишен договор" - стои во соопштението на Арсенал.

Менаџерот на Арсенал, Арсен Венгер има пофални зборови за Кошчиелни.

"Кошчиелни е централен дефанзивец со одличен квалитет кој одигра екстремно добро минатата сезона за Лориоен. Го идентификувавме како многу силен дефанзивец кој направи голем прогрес".

"Покажа дека е ментално силен и многу голем борец. Кошчиелни е големо засилување за нашиот тим" - изјави Венгер.

Задоволството од трансферот не го криеше ниту самиот фудбалер, французин со полско потекло.

"Многу сум возбуден што потпишувам за Арсенал. Тие се еден од најголемите клубови во Европа со многу одлични фудбалери" - вели Кошчиелни.

"Гледам позитивно кон играњето во Премиер лигата и Лигата на Шампионите со мојот нов клуб".

"Во Арсен Венгер, Арсенал го има еден од најдобрите менаџери во светот и не можам да дочекам да работам со него и да го давам најдоброто за фановите на Арсенал" - изјави новото засилување на Топџиите.

Сумата која Арсенал ќе му ја плати на францускиот клуб Лорен, не е официјално објавена, но медиумите шпекулираат дека таа изнесува 10 милиони фунти.

Кошчиелни ќе го носи дресот со број 6.

Powered by: 24 FUDBAL.com.mk