Англија Екипата на Челзи успеа да го ангажира големот талент на Сигма Оломук, Томаш Калас

17 годишниот дефанзивец ќе остане во својата татковите и следната сезона бидејќи Сините се сложиле да го остават Калас на едногодишна позајмица во неговиот клуб Сигма Оломук па дури следната година играчот ќе му се стави на располагање на Карло Анчелоти.

Се верува дека големиот талент на Чешкиот и Европскиот фудбал подолго време го привлекувал вниманието на голем број клубови меѓу ко Арсенал, Милан и Баер Леверкузен.

Детали од целата зделка сеуште не се соопштуваат но според медиумите од Чешка, тимот од Стемфорд Бриџ за младиот Калас ќе плати околу 5,2 милиони фунти.

Нејл Бет, менаџерот на академијата на Челзи за младиот Калас рече: “Тој е одличен дефанзивец во дуелите еден на еден и е многу комфорен со топката.”

“Веруваме дека има голем потенцијал во него, и чувствуваме дека сега е правиот момент за да го ангажираме но ќе биде добро за него да остане таму и да добие искуство играјќи за првиот тим.”

“Со нетрпение очекуваме да ни се приклучи следната сезона.”

“Очигледно е дека ќе останеме во контакт со него и ќе дојде тука кога моментот ќе биде правилен.”

“Тој е централен дефанзивец кој може да игра и како десен бек.”

Powered by: 24 FUDBAL.com.mk