Англија | Тренерот на Манчестер јунајтед, Жозе Мурињо проговори за трансфер плановите и откри дека сака уште две засилувања ова лето но е свесен дека може нема да ги добие играчите кои ги бара...

„Црвените ѓаволи“ веќе се засилија со Фред, Диого Далот и Ли Грант, но Жозе Мурињо не планира да застане тука. Во разговор со ЕСПН, „Специјалниот“ потврди дека сака уште две нови имиња пред да се затвори преодниот рок на 9. април, но е свесен дека можеби нема да ги добие играчите кои ги бара.

„Едно е што сакам јас, а сосема друго е дали тоа ќе се случи“ – вели тренерот на Манчестер јунајтед.

Запрашан уште колку нови имиња сака, Португалецот одговори: „Би сакал уште две“.

Тренерот на Манчестер јунајтед не сакаше да говори за конкретни фудбалери, но признава дека на ум ина неколку имиња.

Се верува дека „Специјалниот“ бара уште еден дефанзивец и еден офанзивен фудбалер. Тоби Алдервирелд од Тотенхем е желбата за засилување на одбраната, но „Спарси“ не сакаат лесно да се разделат со 29 годишниот Белгијанец. Хари Мегвајер од Лестер исто така е опција.

Што се однесува до офанзивата, Герет Бејл од Реал Мадрид е на врвот од листата со желби, но се чини дека Велшанецот ќе остане на Бернабеу откако Кристијано Роналдо беше продаден. Вилијан од Челси е алтернатива, но и „Сините“ не продаваат и веќе одбија над 61 милион евра за Бразилецот од Барселона.

Извор: 24FUDBAL.com.mk