Лига на Шампиони | Шкендија утре со почеток од 20:15 часот на арената „Филип Втори“ го игра првиот натпревар против Шериф во рамките на второто квалификациско коло за Лигата на шампионите...

Шкендија го помина ТНС иако во реваншот загуби со неверојатни 4-0. Сега следува многу посериозен предизвик, шампионот на Молдавија, Шериф.

Тренерот на Шкендија, Ќатип Османи вели дека се потрудиле да ја научат лекцијата од дуелот со ТНС и верува дека утре ќе бидат многу подобри.

„Анализиравме неколкнатпревари на Шериф вклучувајќи го и нивниот последен на кој победија со 3-0. Се работи за квалитетен тим. Ние работевме на психолошка подготовка на нашите фудбалери бидејќи мора да научиме од последниот поразот на гостувањето кај ТНС. Низ групни и индивидуални дискусии се обидовме да ја кренеме атмосферата на посакуваното ниво“, вели тренерот на Шкендија, Ќатип Османи.

Капитенот, Арменд Алими верува дека се добро подготвени за да одиграат најдобро и да дојдат до посакуван резултат.

„Нашата цел е да ја развиеме нашата игра на најдобро можно ниво, да го вратиме нашиот идентитет колку што е можно побрзо. Нормално, секогаш велам дека секоја победа без разлика на резултатот е позитивна. Но важно е да не примиме гол, особено против Шериф кој има многу добар напад кој се надевам дека ќе го сопреме“, вели капитенот Арменд Алими.

Извор: 24FUDBAL.com.mk