Италија | Според пишувањата на медиумите од Португалија, Реал Мадрид и Јувентус се обидуваат да го ангажираат левиот бек на Порто, Алекс Телеш кој во својот договор има откупна клаузула од 40 милиони евра...

Порто е познат по тоа што купува ефтино а потоа за неколку пати повеќе им продава на гигантите од Европа. Нов играч на кој клубот од Драгао треба добро да заработи е Алекс Телеш.

25 годишниот лев бек е на радарот на Реал Мадрид и Јувентус. Медиумите од Португалија вчера пренесоа дека „Старата Дама“ понудила 30 милиони евра за Бразилецот, а денеска се појавија стории кои велат дека преставници на „Кралевите“ се во Порто на преговори за трансфер на играчот.

Алекс Телеш има откупна клаузула од 40 милиони евра и Порто инсистира да биде платена токму оваа сума.

Бразилецот во сезоната 2015/16 играше во Интер на позајмица од Галатасарај, „Нероаѕурите“ можеа во целост да го купат но решија да не ја искористат опцијата вредна 8 милиони евра. Порто очигледно виде нешто што клубот од Џузепе Меаца не успеа, па за 6 милиони евра го донесе во своите редови во 2016 и сега може да се офајди.

Извор: 24FUDBAL.com.mk