Италија Маурицио Зампарини вели дека Единсон Кавани ќе биде продаден во странство и нагласи дека напаѓачот нема никогаш да се пресели во Интер

Претседателот на Палермо вели дека не е задоволен од однесувањето на одредени директори од Интер па затоа нема да преговара со Нероаѕурите за трансфер на Кавани.

Уругвајскиот интернационалец ќе замине од Сицилија ова лето и се веруваше дека тој ќе заврши на Џузепе Меаца бидејќи Интер подолго време го следи а и самиот играч има желба за преселба во шампионот на Италија.

“Никогаш нема да го продадам Кавани на Интер.” – рече Зампарини за RateRate24.

“Нема да преговарам со Нероаѕурите бидејќи мисалам дека тие не се искрено заинтересирани за играчот а и не ми се допаѓа однесувањето на некој нивни директори.”

“Кавани ќе биде продаден во странство. Тој нема да се пресели во Интер.”

За преселбата на Симон Кјаер во Волфсбург, Зампарини додаде: “Тој сеуште нема потпишано за Волфсбург но сме блиску до тоа. Во прашање се денови.”

Powered by: 24 FUDBAL.com.mk