Англија Фернандо Торес инсистира дека во овој момент не се брза да дискутира за својата иднина со управата на Ливерпул

Шпанскиот интернационалец се поврзува со мега трансфер ова лето откако Црвените не обезбедија учество во Лигата на Шампионите а од клубот си замина и Рафаел Бенитез, кој беше заменет со Рој Хоџсон.

Се шпекулира дека Ливерпул би можел да се сложи на продажба поради финансиските пробелми со кои се соочуваат и долгот од околу 350 милиони фунти.

Торес, кој е под договор со клубот од Енфилд до 2013 и опција за уште една додатна година, вели дека по крајот на Светското Првенство ќе се сретне со управата на клубот и ќе разговара за својата иднина.

“Претпоставувам дека по крајот на СП ќе разговарам со луѓето од Ливерпул и тие ќе ми објаснат каква е реалната ситуација, какви се работите сега, каква ќе биде иднината на клубот, и ќе разговарам со новиот тренер.” – рече Торес за El Mundo Deportivo.

“Има време за тоа, сега сакам само да завршам со Светското Првенство и да заминам на одмор бидејќи три години не сум бил на одмор.”

“Сакам да се одморам и тогаш ќе имам време за сите овие разговори – ситуацијата нема да се промени без разлика дали ќе зборувам порано или подоцна.”

Поранешниот играч на Атлетико Мадрид одбива да отфрли заминување од Енфилд ова лето и инситира дека ништо нема да се случи се додека трае мундијалот во Јужна Африка.

“Искрено, клубовите нема да можат да направат ништо додека не финишира Светското Првенство.”

“Играчите тука преферираат да чекаат – има многу време на располагање.”

Powered by: 24 FUDBAL.com.mk