СП 2010 Адриано се успал и го пропуштил првиот тренинг во Рома, вака информираат италијанските медиуми.

Бразилската ѕвезда, Адриано не го започнува својот престој во Рома на професионално ниво, Императорот повторно го следат контроверзи.

Тој требал да допатува во Рим во неделата, но го пропуштил летот по расправија со својата поранешна партнерка дали нивниот син треба да се пресели во Италија.

Адриано пристигнал синоќа, иако уморен од патот, денеска требало да го одржи првиот тренинг.

Утринскиот не бил одржан бидејќи Адриано се успал, и не се појавил во предвиденото време.

Рома излезе со информација дека доцниот лет бил причината за промена на планот на Адриано, но италијанските медиуми не се наклонети кон Бразилецот, па известуваат дека вистинската причина за пропуштање на тренингот е продолжениот сон на фудбалерот.

Како и да е, се очекува Адриано попладнево да го одржи првиот тренинг.

Powered by: 24 FUDBAL.com.mk