СП 2010 Капитенот на Арсенал е под знак прашалник за утрешниот дуел со Германија откако заработи повреда на тренингот на селекцијата на Шпанија

Цеск Фабрегас на дуелот со Парагвај заработи повреда на рамото но лекарскиот тим на Шпанија му даде зелено светло за настап во полу-финалето.

Се најавуваше дека играчот од средниот ред ќе добие инекции за ублажување на болките со цел да биде оспособен за средбата со Германија.

Но најверојатно Цеск ќе го пропушти полу-финалето откако на тренингот на Црвента Фурија добил удар, во фибулата која ја скрши пред неколку месеци.

Медумите од Шпанија велат дека Цеск бил удрен на вчерашниот тренинг но дури денеска се пожалил на болки по што веднаш бил пренесен во болница на детални лекарски прегледи за да се утврди точниот тип на повредата.

Загриженоста во таборот на Шпанија е голема бидејќи Цеск заработи скршеница на десната фибулата кон крајот на март на дуелот помеѓи Арсенал и Барселона, повреда која го оневозможи да настапи во финишот на сезоната и од која се опорави точно на време за мондијалот во Јужна Африка.

Сепак докторот на селекцијата на Шпанија вели дека тестовите не покажале повреда на коската но ситуацијата на Цеск ќе продолжи да биде надгледувана.

Тој исто така не сакаше да го отфлри Фабрегас од комбинација за утрешниот дуел со Германија

Powered by: 24 FUDBAL.com.mk