Италија | Легендарниот италијански тренер е среќен за најавите за трансфер на Роналдо во Јувентус, тоа го смета за голем успех не само за клубот, туку и општо за цела фудбалска Италија...
Поранешниот италијански селектор, како и тренер на Јувентус, Марчело Липи упати „добредојде“ за потенцијален трансфер на Роналдо во Старата Дама, нешто што е актуелна тема изминативе неколку денови, тој верува дека Серија А конечно ќе има огромна ѕвезда во лигата после толку години.
„Во Јувентус има многу паметни играчи, тоа е една од причините зошто тие победуваат. Интелегентни луѓе знаат дека шампион од калибарот на Роналдо не можат да имаат плата како нормални фудбалери“ рече Липи.
„Ајде да погледнеме малку и од страната на играчкиот аспект, да бидеме малку среќни, бидејќи после толку години, одличен фудбалер ќе дојде во Италија“ додаде тој.
Португалецот и на свои 33 години игра фудбал на едно високо ниво, вели Липи, а легендарниот италијански тренер верува дека Роналдо може и натаму да бележи голема бројка на погодоци на годишно ниво.
„Тој има 33 години, а ќе игра фудбал на едно мошне високо ниво уште три или четири години. Тој исто така е фудбалер кој постигнува повеќе голови отколку што игра натпревари, се уште може да бележи по 50 или 60 погодоци на годишно ниво“ издвои Липи.
Извор: 24FUDBAL.com.mk
