СП 2010 Луис Суарез вели дека сега тој има "Божја рака" откако со голманска одбрана му помогна на Уругвај да ја елиминира Гана.

Уругвај и Гана синоќа одиграа крајно возбудлив натпревар кој заврши среќно за Јужноамериканците, најзаслужен за таквиот развој на настаните е напаѓачот Луис Суарез.

По еден шут со глава на Адиах, Суарез од самата гол линија одбрани со рацете како голман, по што заработи директен црвен картон и беше досудено пенал за гана.

Се чинеше дека тука е крајот за Уругвај, но Асамоа Гиан промаши, по што Уругвај победи на пенали.

Добро позната е "Божјата рака" на Марадона, кога постигна гол со рака против Англија vo 1986 година, сега Суарез вели дека и тој има "Божја рака".

"Тоа беше крајот на Светското првенство. Немав избор. Сега имам "Божја рака"" - изјави Суарез.

"Знаев дека моите соиграчи можат да победат на пенали. Кога видов дека Гиан промаши бев пресреќен".

Powered by: 24 FUDBAL.com.mk