Лига Европа | Европската куќа на фудбалот конечно ја соопшти својата одлука за случајот на Милан, „Росонерите“ добија забрана за настап во Европа во следните две сезони...

Милан најпрво се обиде да постигне доброволен договор со УЕФА околку Финансискиот фер плеј, а откако тоа не им успеа, двете страни преговараа за спогодбен договор. Челниците на „Росонерите“ ни во вториот обид не пронајдоа заеднички јазик со луѓето од европската куќа на фудбалот, па беше неизбежна голема санкција.

Долго време се најавуваше дека Милан нема да игра во Лига Европа следната сезона, а казнат која дојде е уште потешка.

УЕФА попладнево соопшти дека „Росонерите“ добиле суспензија од две години и имаат забрана за настап во Европа во следните две сезони.

Милан уште претходно најави дека ќе се жали до Судот за спортска Арбитража, па се очекува судот од Лозана да го има последниот збор.

Извор: 24FUDBAL.com.mk