СП 2010 Селекторот на Шпанија, Висенте дел Боске има “целосна доверба“ во напаѓачот Фернандо Торес во пресрет на четврт-финалниот дуел со Парагвај.

Торес сеуште се нема запишано во листата на стрелци на мондијалот во Јужна Африка и покрај тоа што настапи на сите четири натпревари.

Поради слабите перформанси на напаѓачот на Ливерпул медиумите шпекулираа дека Љоренте, по импресивната игра на дуелот со Португалија, би можел да биде стартер на натпреварот со Парагвај во сабота.

Но селекторот на ’Црвената Фурија’ Висенте дл Боске планира да продолжи со Торес и Виља како партнери во нападот.

“Во овој момент нашиот напаѓач е Фернандо Торес.” – рече Дел Боске.

“Тој одигра четири натпревари, многу минути и ќе одира уште. Имаме целосна доверба во него.”

На дуелот со Португалија, Фернандо Торес беше заменет со Фернандо Љоренте и напаѓачот на Атлетик Билбао во два наврати можеше да ја затресе мрежата а учестуваше и во акцијата по која Давид Виља го постигна единствениот погодок на натпреварот.

Но самиот Љоренте е свесен дека тешко може да биде дел од стартниот состав на местото на Торес.

“Не ги очекував сите пофални зборови но бев желен да добијам шанса.” – рече Љоренте.

“Навистина беше убаво што настапи и одигравањето на дел од ваква победа за зголемување на моралот е уште подобро.”

“Во овој тим има изворедни играчи и тие што се на клупата исто така заслужуваат да играат со што работите стануваат уште покомплицирани.”

“Сите заслужуваат но тренерот е тој што одлучува а ние само треба да бидеме подготвени кога тој ќе не повика.”

Powered by: 24 FUDBAL.com.mk