СП 2010 Претседателот на Нигерија, Гудлак Џонатан го суспендира националниот тим од меѓународните натпреварувања во наредните две години.

Оваа драстична санкција следува по разочарувачкиот настап на Светското првенство во Јужна Африка каде што Нигерија ги заврши натпреварите уште во групната фаза.

Нигерија заврши на последното место во групата Б, со само еден бод освоен од натпреварот против Јужна Кореја, доживеаа пораз од Аргентина и Грција.

Има Ниборо, специјалниот советник на претседателот ја соопшти одлуката за медиумите:

"Претседателот одлучи Нигерија да настапува на меѓународната сцена две години со цел да се реорганизира фудбалот во Нигерија".

"Оваа директива е неопходна по лошите перформанси на Нигерија на Светското првенство" - изјави Ниборо.

ФИФА не дозволува мешање на политиката и спортот, тие веќе го опоменаа францускиот претседател Саркози да не се меша во националната селекција по срамниот настап на мундијалот.

Околу прашањето за Нигерија, од ФИФА излезе соопштение: "Немаме официјална информација за овој случај. Како и да е, генерално, позицијата на ФИФА во однос на политичките влијанија во фудбалот е добро позната".

Powered by: 24 FUDBAL.com.mk