СП 2010 Жозе Мурињо го нападна својот сонародник Карлос Квеироз велејќи дека селекторот на Португалија, под огромен притисок го ставил Кристијано Роналдо.

Продолжуваат контроверзиите во националниот тим на Португалија по вчерашната елиминација од Светското Првенство.

Кристијано Роналдо, кој беше бесен по поразот од Шпанија, им рече на новинарите да се обратат кон Карлос Квеироз со цел да ги дознаат причините за елиминацијата од мондијалот во Јужна Африка.

Ѕвездата на Реал Мадрид потоа објасни дека со таквите свои зборови немал намера никого да навреди и едноставно им кажал на новинарите да заминат на прес-конференцијата што ја одржувал селекторот на Португалија.

Но во целата дискусија сега се вклучи и тренерот на Реал, Жозе Мурињо кој застана зад својот играч и го нападна Квеироз.

За Radio Onda Cero ’Специјалнито’ рече: “Квеироз стави премногу притисок врз Роналдо.”

“Нешто такво во мојот состав не може да се случи.”

“Роналдо сега треба да замине на одмор, да ужива во слободното време и да се чувствува комфорно и смирено. Во следната сезона сигурно нема да му се случи нешто вакво.”

“Нема шанси на негови рамења да биде одговорноста на целиот тим.”

Powered by: 24 FUDBAL.com.mk