Англија Според медиумите од Островото, екипата на Ливерпул е пред ангажман на Рој Хоџсон откако е постигнат договор со Фулам за висината на обештетувањето.
Liverpool Echo објави дека 62 годишниот Хоџсон ќе биде потврден како наследник на Рафаел Бенитез откако Ливерпул се сложил на Фулам да му плати 2 милиони фунти оштета.
Хоџсон, кој со Фулам минатата сезона направи огромен подвик пласирајќи се во финалето од Лига Европа, беше идентификуван како примарна цел на ’Црвените’ откако Рафа Бенитез си замина.
Директорот на Ливерпул, Кристиан Парслоу подолго време е во преговори со изршниот директор на Фулам, Алистер Мекинтош со цел Хоџсон да биде ослободен од договорот.
Liverpool Echo вели дека Хоџсон секогаш бил приоритет на Ливерпул и покрај тоа што медиумите како опции ги споменуваа Мануел Пелгрини, Франк Рајкард, Дидие Дешамп и Кени Далглиш.
Стратегот следните две сезони ќе ги помине на Енфилд откако постигнал согласност со Ливерпул за двегодишендоговор вреден 3 милиони фунти по сезона.
Хоџсон својата кариера како тренер ја започна во Халмштад во 1976 година за подоцна да се пресели во неколку други клубови меѓу кои и Интер.
Неговата прва работа во Премиер Лигата беше во 1997 кога со тимот на Блекбурн стигна до високото 6то место.
Powered by: 24 FUDBAL.com.mk
