Македонија | Поранешен младински репрезентативец на Романија, Клаудиу Василе Бумба би требало да биде едно од големите засилувања за Вардар во летниот преоден рок...

Вардар ќе има голема реконструкицја во составот за наредната сезона откако повеќе фудбалери го напуштија клубот по историскиот успех во Европа. Се очекува наскоро и официјално да бидат промовирани нови засилувања во тимот.
Бумба ги поминал сите младински категории на репрезентацијата, а има еден настап на пријателски меч и за сениорскиот состав на Романија.
Бил и на едногодишна позајмица во младинскиот состав на Рома во сезоната 2012/2013 со која го освоил младинскиот суперкуп во Италија. Италијанскиот клуб за позајмицата платил над половина милион евра, но потоа не ја искористил опцијата и комплетно да го откупи фудбалерот.
Бумба е офанзивен играч од средниот ред кој може да игра и како крилен напаѓач. Неговиот последен клуб е Конкордија Чиајна, а претходно го носел дресот и на Динамо Букурешт, Хапоел Тел Авив, Таргу Муреш и Баја Маре.
Според информациите на „Спорт1“, Вардар е сериозно заинтересиран за 24-годишниот романски фудбалер Клаудиу Василе Бумба.

Извор: 24FUDBAL.com.mk